Protestë solidariteti në Tiranë në mbështetje të naftëtarëve të Bankers
Në ditën e 15-të të grevës së urisë së naftëtarëve të Bankers Petroleum, Tirana u bë sot qendra e një proteste mbështetëse që solli së bashku sindikatat, punëtorët e sektorëve të ndryshëm dhe shoqërinë civile. Përpara Ministrisë së Ekonomisë, qytetarë dhe përfaqësues sindikal shprehën solidaritetin e tyre me grevistët që po kërkojnë të drejta të ligjshme, paga dinjitoze dhe kushte të sigurta pune.
Protesta u zhvillua në frymë paqësore, por me mesazhe të forta bashkimi dhe dinjiteti. Folësit vlerësuan guximin dhe qëndrueshmërinë e naftëtarëve, të cilët prej dy javësh po përballen me sakrificë për një kauzë që i kalon kufijtë e një kompanie të vetme — kauzën e punëtorit Shqiptar që kërkon respekt dhe drejtësi në vendin e punës.
SSH është falenderuese Sindikatave partnere dhe shoqërise civile që iu bashkuan thirrjes për mbështetje, duke theksuar se “zëri i bashkuar i punëtorëve dhe qytetarëve është forca më e madhe për ndryshim”.
Kjo protestë është një shembull i gjallë se solidariteti shoqëror mbetet arma më e fortë përballë padrejtësive dhe shpërfilljes.
Falënderime për të gjithë ata që sot ngritën zërin për dinjitetin e punës dhe jetës!
Burimi i fotove: Oranews.tv